Eli Lilly do të jetë kompania e parë trilionë dollarëshe e barnave në histori – thotë investitori miliarder Ken Langone

Investitori dhe biznesmeni miliarder amerikan, Ken Langone mendon se Eli Lilly do të jetë kompania e parë trilionë dollarëshe e barnave në histori.

Sipas mediave të huaja, përcjell Telegrafi, bëhet fjalë për kompaninë e cila aktualisht vlen mbi 500 miliardë dollarë dhe është “aksionari” më i madh i kujdesit shëndetësor në botë.

"Unë mendoj se Lilly do të jetë kompania e parë trilionë dollarëshe e ilaçeve në histori", citohet të ketë thënë investitori miliarder në një intervistë për CNBC të mërkurën.

Në maj, ajo tejkaloi Johnson & Johnson për t'u bërë kompania më e madhe farmaceutike për nga kapitali i tregut.

Kështu, Lilly tani vlen rreth 568 miliardë dollarë.

Sipas Langone, i cili gjithashtu bashkëthemeloi Home Depot, e ardhmja e ndritur e Lilly ka shumë të bëjë me udhëheqjen e saj të mëparshme nën John Lechleiter. /Telegrafi/