Një qen ka ndihmuar policinë kroate në Komisariatin e Policisë Kufitare Gruda për të zbuluar 11.35 kg heroinë.
Droga, sipas mediave kroate, përcjell Telegrafi, ishte paketuar në 20 pako të fshehura në hapësirën e modifikuar të një automjeti të dy shtetasve shqiptarë.
Kur kanë mbërritur në pikën kufitare Karasoviqi të martën rreth orës 11:30, oficerët e policisë kanë ndaluar një 30-vjeçar dhe pasagjerin 44-vjeçar në automjet dhe kanë thirrur detektivin e tyre me katër këmbë Hunt, i cili ka reaguar pozitivisht ndaj pranisë së drogës në pjesën qendrore të mjetit.
Dhe siç vënë në pah mediat kroate, me urdhër të gjyqtarit hetues të Gjykatës së Qarkut në Dubrovnik është kontrolluar automjeti dhe janë gjetur 20 pako me gjithsej 11 kg heroinë.
Shoferi dhe pasagjeri u arrestuan dhe nga hetimi penal u konstatua se ata synonin të transportonin heroinë nga Shqipëria në tregun e Evropës Perëndimore.
Shoferi dhe pasagjeri i janë dorëzuar mbikëqyrësit të kujdestarisë së bashku me një kallëzim penal.
Mediat kroate tregojnë se kjo është kapja e dytë e madhe e drogës në Karasoviçi në një muaj duke kujtuar se më 14 dhjetor të vitit të kaluar, efektivët e policisë së bashku me doganierët gjetën 5.4 kg heroinë dhe 5.6 kg kokainë në një autobus me tabela, destinacioni i të cilit ishte edhe tregu i Evropës Perëndimore. /Telegrafi/
