Konferencën për shtypin me rastin e prezantimit të trajnerit të ti të Kombëtares, Sylvinho, e hapi presidenti Duka, që fillimisht falënderoi trajnerin Edy Reja për kontributin e dhënë në Kombëtare për 3 vjet e gjysmë.
“Jemi në këtë komunikim për të mbyllur një cikël dhe për të filluar një cikël të ri me një staf të ri, me objektiva të qartë. Do të doja të falënderoja Edy Rejën dhe stafin e tij për kontributin që kanë dhënë në drejtimin e Kombëtares, për përkushtimin dhe për gjithçka ka dhënë në këto 3 vite e gjysmë.
Ka zhvilluar më shumë se 30 ndeshje, bilanci është i barabartë në humbje dhe fitore. Ka bërë një punë shumë të mirë në uljen e moshës mesatare të futbollistëve të Kombëtares. Mund të ketë edhe kritika, por nëse nuk afron elementë të rinj nuk mund të kesh rezultate në të ardhmen.
Nga pikëpamja humane, Edy Reka ka qenë një nga bashkëpunëtoret më të mirë të FSH-së, i respektuar nga të gjithë në ambientet sportive. Ky nuk është takim thjesht formal, do të vijojë me komunikimin mes stafit të vjetër dhe atij të ri për informacionet që i duhen stafit të ri.” /ss/
https://www.youtube.com/watch?v=xnsdqZ3skiE&ab_channel=FederataShqiptareeFutbollit