Ish-presidenti Donald Trump paralajmëroi se inkursioni i Ukrainës në Rusi mund të nisë “Luftën e Tretë Botërore”, në atë që mediumi britanik Metro e ka vlerësuar si “përpjekje e fundit për të ndalur rritjen e Kamala Harris”.
Trump gjatë fjalimeve në një konferencë të Shoqatës së Gardës Kombëtare në Detroit dukej se kundërshtoi shtytjen e fundit të Ukrainës në Rusinë perëndimore, shkruajnë mediat e huaja, përcjell Telegrafi.
“Shikoni se çfarë po ndodh në Ukrainë. Ata po hyjnë në Rusi”, tha Trump të hënën pasdite. “Do të keni Luftën e Tretë Botërore”.
Kandidati republikan fajësoi gjithashtu administratën Biden-Harris për vazhdimin e mbështetjes së Ukrainës dhe mungesë të furnizimit me municion të ushtrisë amerikane.
Trump dukej se i referohej një raporti që zbuloi se SHBA do të ishte “pa armë” brenda tri deri në katër javë nëse përfshihej në një luftë me Kinën.
“Këta njerëz janë kaq shkatërrues”, tha ai për zyrtarët amerikanë. “… Më pëlqejnë fjalët e sofistikuara, por ka vetëm një fjalë që mundem – budallenj, ata janë njerëz budallenj”.
Trump ftoi gjithashtu në skenën në Detroit, ish-kongresmenen demokrate Tulsi Gabbard, e cila njoftoi se po e mbështeste atë dhe u zotua të bënte gjithçka që mundej për ta ndihmuar atë të fitonte zgjedhjet e nëntorit.
Sulmi i fundit i Trump ndaj Harris dhe Biden erdhi ndërsa sondazhi i Universitetit Fairleigh Dickinson i publikuar të premten tregoi se Harris zgjeronte epërsinë e saj ndaj Trump në shtatë pikë përpara.
Ndërkohë, një sondazh i Echelon Insights tregoi se Trump kishte një avantazh prej 49% deri në 48% ndaj Harris pasi Robert F Kennedy Jr pezulloi fushatën e tij të pavarur dhe i dha mbështetjen e tij Trumpit javën e kaluar. /Telegrafi/