Aktorja kolumbiano-amerikane, Sofia Vergara, konsiderohet si një nga femrat më të bukura të ditëve të sotme dhe këtë e ka konfirmuar duke publikuar imazhe në gjendjen e saj natyrale. Megjithatë, ka pasur edhe nga ata që nuk e kanë njohur.
51-vjeçarja ka shpërndarë një fotografi në Instagram ku shfaqet me familjarët me hënën në sfond, por ky fenomen natyror ka mbetur në sfond. Të gjithë e komentuan paraqitjen e saj pa makijazh.
Komentet pozitive ishin të llojit: “A është kjo Sofia pa grim, bukuri natyrale, perfeksion”; “Dukesh e jashtëzakonshme pa grim”.
Mirëpo, ka pasur edhe nga ata për të cilët ajo dukej shumë ndryshe duke pozuar pa makijazh: “Nuk e njoha, a është kjo Sofia?”; “A je ti?”.
Aktorja bukuroshe tërheq vëmendjen me bukurinë e saj natyrale dhe nuk i është nënshtruar asnjë ndërhyrjeje estetike deri më tani duke thënë se nuk ka frikë nga plakja, porse nuk është kundër operacioneve plastike. /Telegrafi/