Como ka arritur të shënojë fitore ndaj Romës me rezultat 2-0 në kuadër të javës së 16-të të Serie A.
Roma e nisi më mirë ndeshjen duke rrezikuar me Mario Hermoson dhe Zeki Celikun, por nuk ia dolën.
Como u kundërpërgjigj me Nico Paz, por gjuajtja e bukur e tij u ndal në shtyllë.
Manu Kone shënoi në minutën e 28-të, por që ky gol u anulua për pozitë jashtë loje.
45 minutes down ⏸️ pic.twitter.com/JZ2YtBmggx
— Como1907 (@Como_1907) December 15, 2024
Como e nisi më mirë pjesën e dytë, duke radhitur rastet me Lucas da Cunha dhe Alieu Federa, por që ishin pafat.
Skuadra e Cesc Fabregas vazhdoi me raste të tjera, ku Edoardo Goldaniga dhe Nico Paz sërish iu afruan golit.
Como kërkoi golin deri në fund dhe kjo iu shpërblye me një gol të Alessandro Gabriellonit për 1-0 në kohën shtesë.
Goal Alessandro Gabrielloni
Como [1] – 0 Roma pic.twitter.com/Y2kyRPqjW3— Toni (@Footballfan0088) December 15, 2024
Nico Paz shënoi në minutën e shtatë shtesë për 2-0, duke siguruar fitoren e ekipit të tij pas nëntë ndeshjesh.
Roma mbetet në pozitën e 12-të me 16 pikë, ndërsa Como ngjitet në vendin e 16-të me 15 pikë. /Telegrafi/