Çmimet e derivateve në Kosovë kanë shënuar rënie, ka konfirmuar të mërkurën kryetari i Shoqatës së Naftëtarëve të Kosovës, Fadil Berjani.
Në një prononcim për Telegrafin, ai ka treguar se kjo për shkak që çmimet e derivateve kanë shënuar rënie edhe në tregjet dhe berëzën ndërkombëtare si dhe ka prodhim të shtuar nga organizata prodhuese “OPEC”.
Berjani tutje ka bërë të ditur se çmimi naftës aktualisht është 1.44 cent deri në 1.49 cent, ndërkaq i benzinës 1.36 cent deri në 1.42 cent.
“Çmimet e derivateve janë në rënie në tregjet ndërkombëtare dhe në berzë si dhe ka prodhim të shtuar nga organizata prodhuese OPEC. Kjo po reflekton edhe te ne në Kosovë. Çmimet e derivateve në regjion sot janë në Shqipëri dizelli 1.87 cent, benzina 1.88 cent.
Nuk mund të parashikojmë me saktësi se sa do t’i kemi çmimet në ditët në vijim, pasi që nuk mund t’i parashikojmë lëvizjet në tregjet ndërkombëtare. Por, mund të them se do të ketë trend të rënies së derivateve”, ka deklaruar Berjani. /Telegrafi/