Boston Celtics ka arritur fitoren e dytë në serinë finale të ligës NBA ndaj Dallas Mavericks në TD Garden me shtatë pikë diferencë 105:98.
Fundi i lojës nuk ishte aq i pasigurt sa mund të sugjeronte rezultati, pasi Bostoni shënoi vetëm dy pikë në tre minutat e fundit e gjysmë dhe Dallas nuk pati asnjë shans për t’u kthyer.
Dallas nuk u ndihmua as nga loja fantastike e Luka Donçiqit, sllovenit i cili regjistroi triple-double me 32 pikë, 11 kërcime dhe 11 asistime.
Kyrie Irving dështoi sërish në fanellën e Mavericks, i cili goditi dobët 7/18 dhe shënoi 16 pikë me 6 asistime për shokët e tij.
Celtics take a 2-0 series lead in the NBA Finals!
The #NBAFinals presented by @YouTubeTV continue Wednesday at 8:30pm/et on ABC. pic.twitter.com/XhwTzsaSDM
— NBA (@NBA) June 10, 2024
Bostoni udhëhiqej nga fundori fantastik Jrue Holiday me 26 pikë dhe 11 kërcime, Jaylen Brown shënoi 21 pikë dhe Jayson Tatum ishte afër një triple-double me 18 pikë, 9 kërcime dhe 12 asistime.
Tashmë Bostoni po kryeson 2:0 në serinë që kalon në Dallas dhe Mavericks do të jenë nën presion sepse edhe një humbje në dy ndeshje para tifozëve vendas ndoshta do të nënkuptonte fundin e shpresave të tyre për titullin kampion.
Ndeshja e radhës do të luhet të mërkurën pas mesnate me fillim nga ora 02:30. /Telegrafi/
