Bologna e Thiago Mottas e ka seriozisht për vendin e katërt në Serie A, gjashtë fitore radhazi

Bologna e Thiago Mottas ka thyer edhe Atalantan në Bergamo, duke e mposhtur me rezultat 2-1 në një ndeshje shumë të fortë.

Kjo ishte fitorja e gjashtë radhazi në Serie A, duke konsoliduar pozitat në vendin e katërt, që dërgon në Ligën e Kampionëve.

Ademola Lookman hapi ndeshjen dhe me këtë gol u mbyll pjesa e parë, por Bologna u kthye në pjesën e dytë duke shënuar dy herë brenda katër minutave.

Dy yjet e rinj të Serie A, Joshua Zirkzees dhe Lewis Ferguson shënuan golat dhe vazhdojnë ta mbajnë gjallë ëndrrën e Bolognas për të luajtur në garën më të fortë në botë për klube.

Bologna e Thiago Mottas ka aktualisht 51 pikë dhe po zhvillon një sezon të jashtëzakonshëm, duke i lënë pas Romën me 47 pikë dhe Atalantan me 46 pikëve. /Telegrafi/