Jude Bellingham nuk ndalet së impresionuari në fillim të sezonit të tij të parë në Real Madrid, ku aktualisht është golashënuesi më i mirë i skuadrës me tetë gola.
Pas një tjetër loje mjeshtërore ndaj Napolit, gazetarët e pyetën se cili është aktualisht futbollisti më i mirë në botë.
Edhe pse shumë nga tifozët madrilen po e emërojnë vet anglezin, Bellingham është treguar modest dhe ka lartësuar bashkëlojtarin e tij.
Mesfushori anglez ka thënë se sipas tij Vinicius Junior është futbollisti më i mirë në botë për momentin.
“Vinicius është i jashtëzakonshëm. Ai është lojtari më i mirë në botë nga këndvështrimi im”.
“Ai është një nga futbollistët më të talentuar me të cilët kam luajtur. Për shkak të tij, ndeshjet janë më të lehta për mua. Shpejtësia e tij, talenti i tij është i jashtëzakonshëm”, deklaroi mesfushori anglez.
Real Madridi mori një fitore të madhe 3-2 në udhëtim te Napoli, derisa Bellingham ishte më i miri në fushë.
Ylli anglez realizoi një gol dhe asistoi në një tjetër në triumfin e dytë këtë edicion të Real Madridit në Ligën e Kampionëve. /Telegrafi/