Drita dhe Llapi kanë luajtur pa gola në ndeshjen derbi të ditës së shtunë në Superligën e Kosovës.
Ka qenë një ndeshje shumë interesante, por që në fund dy skuadrat u desh të pajtohen me nga një pikë.
Për Llapin ishte një gol i anuluar nga VAR dhe për këtë ka ankesa trajneri i Llapit Tahir Batatina.
“Po mendoj që ishte ajo arsyeja që është bërë gabim në repartin defensivë prej lojtarit të Dritës, Ilir Blakqorit dhe e mori topin pastër Sadriu duke u kthyer në zonë dhe asistoj për Maliqin dhe nuk ka pasur asgjë tjetër se përse të ndalohet ai gol”.
“Nejse për këto janë njerëzit kompetent dhe unë kam respekt për gjyqtarët e ri, por që duhen në këso derbish të ketë gjyqtarë me shumë përvojë pasi që edhe i kemi ata me përvojë të madhe”, deklaroi Batatina.
Tekniku llapjan u ndëshkua me karton të kuq pas protestave, derisa deklaroi se në Gjilan udhëtuan për fitore.
“Ne duhet ti mbështesim gjyqtarët e rinj por në këso derbi duhen të jenë gjyqtarë me përvojë, sepse po investojmë shumë dhe këto dy pikë mund të jenë ato që vendosin edhe titullin kampion”, tha Batatina.
“Ne sot kemi udhëtuar për tre pikë, pasi e kemi analizuar Dritën dhe sot mendoj që Llapi e ka merituar tre pikë”, u shpreh Batatina. /Telegrafi/