Ndeshja në mes të Dukagjinit dhe Llapit e zhvilluar të dielën në Klinë përfundoi pa gola në kuadër të javës së 17-të në BKT Superligën e Kosovës.
Trajneri i skuadrën nga Podujeva, Tahir Batatina ka thënë se ekipit të tij i ka munguar loja e mirë pasi mungoi Valmir Veliu.
“Bëmë maksimumin për të fituar pikët e plotat, por nuk ia dolën. Kur Barcelona nuk ka pasur Messin nuk ka pas lojë të mirë, kurse ne nuk e kishim Valmir Veliun që ishte një mungesë e madhe”, ka deklaruar fillimisht ai për Art Sport.
“Por, djemtë luajtën mirë, ndoshta në pjesë ne dytë kemi qenë më të rezervuar edhe pse mendoj se kemi mundur ta fitojmë ndeshjen”.
“Megjithatë, është e rëndësishme që kemi vazhduar serinë pozitive të rezultateve, ndonëse sot është dashur të fitojmë. Synojmë pikët e plota në ndeshjet tjera për të mbetur në krye të tabelës, aty ku Llapi e ka vendin”, përfundoi Batatina.
Llapi me këtë barazim pozicionohet në pozitën e katërt në tabelë me 26 pikë të mbledhura, gjersa Dukagjini mbetet në pozitën e parafundit me 17 pikë të mbledhura. /Telegrafi/