Pas dorëheqjes së drejtorit të AKI-së, Shpend Maxhuni, kandidati për deputet nga radhët e Vetëvendosjes, Mefail Bajqinovci ka thumbuar pushtetarët aktualë.
Sipas tij, disa nga pushtetarët e tjerë nuk duhet ta presin dimrin për të dhënë dorëheqje.
“Mirë është mos me prit muajin dhjetor kur fillon dimri edhe shumë tjerë,,,,,”, ka shkruar Bajqinovci në profilin e tij në Facebook.
Ndërkaq, kryeministri në detyrë, Ramush Haradinaj, ka pranuar dorëheqjen e Drejtorit të AKI-së, Shpend Maxhuni, nga funksioni i tij në krye të Inteligjencës kosovare.
Haradinaj ka lavdëruar Maxhunin, duke thënë se "roli i tij gjatë mandatit qeverisës ka qenë i rëndësisë së veçantë dhe sot, AKI është një ndër institucionet më profesionale dhe më kredibile në vend dhe më gjerë”, ka thënë Haradinaj. /Telegrafi/