Arrestimi i Belerit, Dendias me mision në Bruksel, takon Xhaçkën dhe ministrat e jashtëm të BE-së

Ministri i Jashtëm grek Nikos Dendias ka takuar sot Ministren e Jashtme të Shqipërisë, Olta Xhaçka gjatë takimin e Këshillit të Ministrave të Jashtëm të BE-së që po mbahet këtë të hënë në Bruksel.

Përmes një postimi në Twitter, Dendias ka rikthyer dhe njëherë në vëmendje arrestimin e kandidatit fitues të koalicionit “Bashkë Fitojmë” për Himarën, Fredi Beleri.

“Në margjinat e takimit të sotëm të BE në Bruksel, u takova me homologen e Shqipërisë Olta Xhaçka. Në diskutim u ngrit edhe çështja që ka të bëjë me kryetarin e zgjedhur të Bashkisë së Himarës, Fredi Beleri”, tha Dendias.

Në një reagim në Twitter më herët, Dendias thekson se do ta ngrejë çështjen e ndalimit të Belerit dhe në punimet e Këshillit të Punëve të Jashtme të BE-së.

“Sot do të diskutojmë me kolegët në Këshill për çështjen e Ballkanit Perëndimor. Kështu do të kem mundësinë të ngre qartë çështjen e ndalimit të kryetarit të zgjedhur të Bashkisë Himarë, Fredi Beleri. Gjithashtu do të takohem me homologun tim shqiptar. Mendoj se do të jetë një bisedë shumë interesante” , tha Nikos Dendias.

Lexo po ashtu Arrestimi i Belerit, Dendias me mision në Bruksel, takon Xhaçkën dhe ministrat e jashtëm të BE-së

Ministri grek nuk ka dhënë detaje të tjera rreth takimit me minister e Jashtme shqiptare, ndërkohë që pritet edhe një reagim nga Xhaçka. /Telegrafi/