Site icon Telegrafi

Arbër Zeneli gjen golin me Reims në Ligue 1

Shkumbin Pireva

Sulmuesi i Kosovës, Arbër Zeneli ka shënuar gol në perballjen e sotme (e diel) që ekipi i tij, Reims po e luan ndaj Lorient.

Reims është mysafir i Lorientit në ndeshjen e vlefshme për javën e 35-të në Ligue 1, ndeshja e cila ka filluar nga ora 15:00.

Pjesa e parë e kësaj ndeshje ka përfunduar tashmë me rezultat të barabartë 1-1.

Megjithatë, e veçanta e gjithë kësaj është se sulmuesi i Kosovës, Arbër Zeneli, ka gjetur golin e parë pas rikthimit nga lëndimi që e mbajti gjatë jashtë fushave.

Zeneli ishte i saktë duke shënuar nga afërsia në minutën e 17-të për t’ia dhuruar ekipit të tij epërsinë prej 0-1.

Ylli i ‘Dardanëve’ përveç një goli ka edhe tri asistime në vetëm shtatë ndeshje këtë sezon në Ligue 1, pas rikthimit nga lëndimi. /Telegrafi/

Exit mobile version