Banori i Big Brother VIP Kosova, Andi Artani, mbrëmë (e premte) ka bërë një rrëfim të pathënë nga jeta dhe karriera e tij profesionale.
Pas kësaj, ai u befasua brenda shtëpisë së famshme të Kosovës edhe nga babai i tij.
Ata biseduan ndërmjet vete, ndërkohë që nuk munguan këshillat nga i ati për lojën që po bën brenda.
Përveç takimit me Andin, ai u takua edhe me modelen Gresa Hoti, e cila ka nisur një lidhje dashurie me Artanin.
Modelja ndihej paksa në siklet ato çaste, gjersa po flisnin për eksperiencën e tyre brenda.
Andi e po ashtu dhe Gresa kanë kaluar më shumë se 80 ditë brenda BBVK-së, duke qenë se spektaklit edhe pak ditë po i vjen fundi.
Theksojmë që mbrëmë nga gara u eliminua aktorja Arta Selimi. /Telegrafi/
