Zinedine Zidane nuk e ka fshehur gëzimin e tij, pasi Real Madridi u shpall kampioni i La Ligas për sezonin 2019/2020. Legjenda franceze i dha prioritet titullit të Spanjës para gjithçkaje këtë edicion dhe objektivi i tij u realizua.
“Është një ndjenjë e jashtëzakonshme, pasi ajo që kanë bërë lojtarët është mbresëlënëse. Nuk kam fjalë që e shpjegojnë atë që ndjej”.
“Liga e Kampionëve është Liga e Kampionëve, por ky titull i ligës më bën më të gëzuar, sepse La Liga është fantastike”, ka thënë Zidane pas triumfit.
Natyrisht, ai është kujdesur që të gjitha meritat t’ua atribuojë lojtarëve të tij.
“Ishim më të mirët, sepse morëm më së shumti pikë, kjo është. Për mua, është një prej ditëve më të mira si profesionist”.
“Lojtarët janë ata që luftojnë. Është e vërtetë se unë e kam rolin tim, mirëpo ata janë që besojnë”, ka theksuar më tej trajneri. /Telegrafi/
