Në ndeshjen kundër Sevillas, Zinedine Zidane e ka përdorur treshen e 11-të të ndryshme të sulmit gjatë këtij sezoni me Real Madridin.
Në mungesë të Gareth Bale e Eden Hazard (dhe qëndrimin në bankë të Karim Benzema e Vinicius Junior), strategu francez e nisi ndeshjen me Rodrygo Goes, Luka Jovic dhe Lucas Vazquez në sulm.
Treshja më e përdorur: Rodrygo, Benzema e Hazard
Këta tre lojtarë kanë luajtur bashkë në sulm në pesë ndeshje këtë edicion: Galatasaray vendas (6-0) dhe mysafir (0-1), Real Betis vendas (0-0), Leganes vendas (5-0) dhe Real Sociedad vendas (3-1), pa asnjë humbje.
Treshja më e popullarizuar – Benzema, Bale dhe Hazard – kanë luajtur bashkë vetëm në katër ndeshje nga fillimi: Granada vendas (4-2), Paris-Saint Germain mysafir (3-0), Sevilla mysafir (0-1) dhe Atletico Madrid mysafir (0-0).
Ideja për ta pasur këtë treshë në fazën ofensive ishte ndërprerë për shkak të lëndimit të belgut në muajin nëntor, ndërsa Bale nuk ka qenë në formë të qëndrueshme, prandaj është dashur t’i ndryshonte sulmuesit. /Telegrafi/
