Eliminimi i Arsenalit nga Kupa FA e ka dëshpëruar pamasë trajnerin Arsene Wenger.
Topçinjtë i thanë lamtumirë kësaj kupe në një fazë të hershme, edhe pse konsideroheshin favoritë për të vazhduar tutje.
“Ne u rrëzuan nga konkurrenca me një humbje 4-2 në Nottingham Forest dhe kjo dhemb shumë".
"Unë jam shumë i zhgënjyer me punën tonë, sepse Nottingham Forest ishte ekip më i mirë, më i rrezikshëm dhe fitoi shumë sfida", ka deklaruar francezi për Arsenal Player.
“Ne nuk ishim në nivel dhe kjo është ajo... E përgëzoj Nottingham Forestin, sepse ishte ekip më i mirë sonte (e diel)”, ka shtuar Wenger, transmeton KP.
Trajneri i Topçinjve nuk e ka fshehur zemërimin e tij për eliminim nga gara e mëtejme.
“Më dhemb shumë. Jam shumë, shumë i zhgënjyer, por duhet të përqendrohemi në lojën tonë të ardhshme”, është shprehur ai.
Arsenali është eliminuar nga FA Cup, ndonëse përballë kishte skuadër që bën gara në Championship.