Manchester Unitedi thuhet se mund të pranojë tani të zëvendësojë Romelu Lukakun me sulmuesin e Interit, Mauro Icardi.
Interi është duke e kërkuar tash e disa kohë yllin belg, Lukaku, ndërsa edhe ky është i interesuar për një kalim në Seria A pasi nuk është i preferuari i Ole Gunnar Solksjaer.
Megjithatë, deri tani Djajtë e Kuq kanë rezistuar në shitjen e tij duke kërkuar në mënyrë të prerë 75 milionë euro për ta lënë të lirë.
Por, mediat angleze tani raportojnë se drejtuesit e klubit nga Old Trafford kanë ndryshuar mendim dhe mund të rishikojnë ofertat e Interit.
Sipas mediumit Express.co.uk, transferimi i shumëpritur i Lukakut në Inter mund të jetë një hap më afër, pasi Unitedi është i interesuar në Icardin.
Në rast se ndodh ky transferim atëherë do të ishte një shkëmbim kokë më kokë pasi vlerësimi i të dy lojtarëve është i njëjtë. /Telegrafi/