Manchester United ka marrë një fitore të rëndësishme në udhëtim te Aston Villa.
Djajtë e Kuq kanë triumfuar me rezultat të thellë 0-3 duke bërë një hap të madh drejt një vendi që i dërgon në Ligën e Kampionëve.
United nga fillimi i takimit dominoi në fushë, teksa në minutën e 27-të Bruno Fernandes u pengua në zonë nga Konsa, ndërsa gjyqtari akordoi penallti.
Përgjegjësinë për ekzekutimin e penalltisë e mori vet portugezi i cili shënoi për 0-1.
Djajtë e Kuq vazhduan dominimin teksa në minutën e fundit të pjesës së parë, Mason Grenwood shënoi një gol spektakolar për 0-2.
Me epërsinë të dyfishtë të Djajve të Kuq përfunduan edhe 45 minutat e para të kësaj sfide.
United e nisi për mrekulli edhe pjesën e dytë, duke gjetur edhe golin e trentë.
Bruno Fernandes asistoi për mrekulli për Paul Pogban i cili shënoi një gol spektakolar nga distanca për 0-3.
Kjo fitore e afron edhe më shumë Unitedin me vendin e katërt, pasi tani ka 58 pikë një më pak se Leicester dhe dy më pak se Chelsea në vendin e tretë.
Në anën tjetër Aston Villa me këtë humbje bënë një hap mbrapa drejt shpëtimit, pasi është në vendin e parafundit me 27 pikë.
Në javën e ardhshme Man Utd do të luaj në Old Traford ndaj Southampton, ndërsa Aston Villa luan përsëri në shtëpi ku kësaj radhe pret Crystal Palacen. /Telegrafi/
Sensational goal from Pogba, and the assist from bruno fernandes... You love to see it. #mufc#AVLMUNpic.twitter.com/Zei3KfanqP
— Saquon. (@IAmSaquon) July 9, 2020