Trajneri i Kombëtares së Danimarkës, Age Hareide e ka zbuluar që mesfushori i Interit, Christian Eriksen e refuzoi transferimin te Manchester Unitedi këtë sezon.
Eriksen u largua nga Tottenham për Interin muajin e kaluar në fund të afatit kalimtar për një shifër të raportuar prej 20 milionë euro.
Megjithatë, Nerazzurrët nuk ishin klubi i vetëm që donte shërbimet e danezit, pasi në garë për të ishte edhe Unitedi.
Trajneri i Danimarkës, Hareide ka zbuluar tashmë se ylli i kombëtares ka refuzuar Djajtë e Kuq për Interin.
“Kishte klube në Angli që ishin të interesuar për të. Manchester United ishte i interesuar për Christian Eriksen. E di që Ole Gunnar Solskjaer e donte”, ka thënë fillimisht Hareide.
“Kishte biseda me Real Madridin dhe pjesërisht me Barcelonën, por kryesisht me Real Madridin”.
“Por, gjatë rrugës Interi dhe Antonio Conte treguan interesin e tyre. Dhe ata treguan interes të vërtetë për Eriksenin dhe kjo ishte gjëja më e rëndësishme”, përfundoi trajneri danez. /Telegrafi/