Gianluigi Donnarumma ka rrëfyer se përse nuk festoi në momentin që përfundoi ekzekutimi i penalltive.
Portieri italian kishte pritur penalltinë e fundit të Bukayo Sakas, dhe aty u dha sinjali se Italia e kishte fituar Kampionatin Evropian ndaj Anglisë.
Por, Donnrumma ka thënë se ai nuk e kishte idenë se kishin fituar, duke menduar se ata kishin humbur finalen.
"Nuk e festova sepse nuk e kuptova që kishim fituar", ka thënë Donnarumma pas ndeshjes.
"Shikova arbitrin, u përpoqa të kuptoj nëse VAR kishte dhënë sinjalin se ishte gjithçka në rregull dhe e kuptova se kishim fituar vetëm kur pashë shokët e mi të skuadrës duke festuar", ka shtuar më tej italiani.
Donnarumma u zgjedh nga UEFA si lojtari i turneut, falë paraqitjeve të tij mbresëlënëse në fazën e grupeve dhe në atë të eliminimit direkt. /Telegrafi/
https://twitter.com/lidiadipaola/status/1414721732938768385