Situatë e tensionuar në skuadrën e Barcës

Barcelona po përpiqet ta qetësojë situatën në një periudhë kur ekzistojnë tensione që pas shkarkimit të Ernesto Valverdes dhe zëvendësimit të tij me Quique Setien.

Problemet nisën me ish-trajnerin, ndërsa mosangazhimi adekuat në afatin kalimtar të janarit (për ta mbuluar Luis Suarezin) i ka përkeqësuar gjërat.

Humbja nga Valencia në fundjavën e kaluar ka krijuar shqetësim real në mes të lojtarëve. Gerard Pique dhe Lionel Messi thuhet se nuk e kanë bërë ‘ritualin e inkurajimit’ të skuadrës para ndeshjes ndaj Los Che.

Setien deklaroi se nuk kishte dëgjuar për ekzistimin e një rituali të tillë, mirëpo ai nuk tregoi se kishte pasur një zënkë ndërmjet dy lojtarëve të rëndësishëm të skuadrës – transmeton AS.

Vet lojtarët janë shfaqur të qetë pas incidentit, ndërsa mediat në Spanjë raportojnë se situata nuk është më e mira te katalunasit në këtë periudhë. /Telegrafi/