Shpërthen bombola e gazit në një depo në Gjilan, lëndohet rëndë një person

Policia e Kosovës ka njoftuar për një shpërthim që ka ndodhur në shtëpinë e një personi në Gjilan.

“Është raportuar për një shpërthim në depon e shtëpisë së viktimës mashkull kosovar i cili kur kishte hyrë në depo kishte ndezur cigaren dhe kishte ndodhur shpërthimi i një bombole të gazit nga e cila dyshohet se kishte rrjedhur gazi në hapësirën e depos. Nga shpërthimi lëndime të rënda trupor e ka pësuar viktima i cili është dërguar për tretman mjekësor”, thuhet në njoftim.

Përveç lëndimit të viktimës janë shkaktuar dëme të konsiderueshme materiale në objekt dhe dy vetura. /Telegrafi/