PLAK E URTAK

Autorë: Alan Parsons dhe Eric Woolfson (kanga “Old and Wise”, The Alan Parsons Project, albumi “Eye in the Sky”, 1982)E përkthyme prej Agron Shalës

Për sa t’m’bajnë sytë dritë
Ka me pasë hije kujtimesh qi kanë me m’u avit

E juve qi ju kam braktis, ta dini mirë
Se n’mendje gjithmonë ju kam pasë
M’ndiqni kudo ku shkoj

Eh, po, tash qi jam plak e urtak
Fjaltë e liga ma pak kanë me m’lëndue
Ernat e vjeshtës përmes meje kanë me fërfllue

E njifar dite t’nji kohe t’harrueme
Kur m’kanë pyet nëse t’kam njohtë
Kam buzëqesh e thanë se shoqe t’kam pasë

Edhe trishtimi prej syve t’mi po nis t’largohet
Po, tash qi jam plak e urtak

Për sa t’m’bajnë sytë dritë
Ka me pasë hije kujtimesh qi kanë me m’rrethue

E juve qi ju kam braktis, ta dini mirë
Me mue i keni vujtë çastet e mia ma t’randa
M’mungoni kudo ku shkoj

Eh, po, tash qi jam plak e urtak
Fjalët e liga qi m’kanë përplas
Si ernat e vjeshtës përmes meje tash kanë me fërfëllue

E njifar dite t’nji kohe t’harrueme
Kur t’kanë pyet nëse ti m’njeh
Mos harro se shoqe t’kam pasë

Edhe shfaqja e fundit para syve t’mi po mbaron
Po, tash qi jam plak e urtak

Për sa t’m’bajnë sytë dritë ...