Momenti dramatik kur viktima me bluzë të përgjakur, ecën para veturave që digjeshin (Video)

Në Glasgow të Skocisë, ka pasur të shtëna me armë ku për pasojë janë plagosur pesë persona, ndërsa një veturë dhe një furgon kanë eksploduar.

Kalimtarët e rastit kanë qenë duke i filmuar veturat që digjeshin, kur ka kaluar atypari një burrë që kishte bluzë të përgjakur, transmeton Telegrafi.

Nuk bëhen të ditura arsyet e të shtënave apo kush ishin atentatorët, që u shkaktuan lëndime të konsiderueshme viktimave.

Zyrtarë të spitalit kanë thënë se pacientët janë lëshuar në shtëpi, pasi plagët e tyre janë pastruar dhe mbështjellë.

“Ishte sikur një skenë nga zonat e luftës, ishte e tmerrshme”, ka thënë njëri nga dëshmitarët, lidhur me rastin në të cilin po vazhdojnë hetimet. /Telegrafi/