Liverpooli ka arritur ta fitojë një tjetër derbi lokal përballë Evertonit.
Kampioni në fuqi i Evropës ka triumfuar në EFL Cup me rezultat minimal 1-0, edhe pse në fushë ishin shumë lojtarë të rinj nga akademia e klubit.
Curtis Jones ishte hero i The Reds në këtë takim, duke bërë që Evertoni edhe pas 10 viteve mos të marrë fitore në derbin lokal.
Ishte tetori i vitit 2010 kur për herë të fundit Everton ka arritur ta mposhtë Liverpoolin dhe në atë botë triumfuan me rezultat 2-0 falë golave të Tim Cahill e Mikael Artetas.
Që nga ajo kohë janë zhvilluar 21 derbi lokal, ku Liverpool nuk di për humbje duke marrë 11 fitore e 10 barazime.
Liverpool tregoi forcën edhe me skuadrën e dytë ndaj rivalit lokal, ndërsa Evertonit i mbetet që të provojë në ndeshjet e radhës për ta thyer këtë dominim të The Reds. /Telegrafi/
