Liverpooli do të tentojë ta mbajë Coutinhon edhe gjatë verës së ardhshme
04/09/2017
Philippe Coutinho ishte një nga lojtarët më të përfolur në afatin kalimtar të verës.
Braziliani dëshironte kalimin te Barcelona, por Liverpooli në asnjë moment nuk pranonte largimin e tij.
Reds refuzuan deri në 150 milionë euro dhe për asnjë moment nuk dëshironin të dëgjonin për oferta tjera, edhe pse lojtari dëshironte largimin.
Sipas Mirror, qëllimi i klubit anglez është të bind lojtarin të qëndrojë edhe në verën tjetër, duke i shpjeguar se sa i rëndësishëm është për klubin.
Rol të rëndësishëm për ta bindur anësorin do të ketë trajneri i Liverpoolit, Jurgen Klopp, i cili do të ketë detyrë ta përgatis lojtarin psikologjikisht që mos të kërkojë më largimin nga Anfield. /Telegrafi/