Lëkundje tërmeti në Tiranë
30/05/2012
Lëkundja e parë ka qenë me një magnitudë të ulët, ndërsa e dyta, që është ndjerë më shumë, ka qenë me magnitudë 2.9. Epiqendra e tërmetit regjistrohet 5 kilometra në veri-lindje të Tiranës dhe 8 kilometra në thellësi, njofton Tch.
Lëkundjet u ndjenë fuqishëm në kryeqytet, sidomos në ndërtesat shumëkatëshe. Fatmirësisht nuk ka as të lënduar dhe as dëme materiale.
Ndërkohë, Instituti Sizmologjik shqiptar regjistroi në orët e para të mëngjesit të sotëm një tjetër tërmet, pranë qytetit të Peshkopisë, me magnitudë 1.9.
Zona mesdhetare njihet si një ndër zonat me aktivitet të dendur sizmologjik. I fundit tërmet tragjik është regjistruar në veriun e Italisë, ku 16 persona humbën jetën, qindra u plagosën dhe mijëra mbetën të pastrehë. /Telegrafi/