Me kalimin e kohës, ky lumë është shndërruar në një legjendë në Peru, por kur gjeo-shkencëtari Andres Ruzo dëgjoi për të, fillimisht mendoi se një dukuri e tillë është e pamundur të ekzistojë, transmeton Telegrafi.
Ai besonte se kjo dukuri do të kërkonte sasi të madhe të ngrohjes gjeotermale të vloj madje në një lumë të vogël, kurse pellgu i Amazonës është shumë larg çdo vullkani aktivë.
Por më pas, Ruzo e pa më sytë e tij derisa lumi legjendar vlonte në vete.
Ruzo për herë të parë kishte dëgjuar për lumin Mayantuyacu, kur gjyshi i tij i tregoi një histori se si spanjollët kishin vrarë perandorin e fundit Inca.
Por kjo histori nuk përfundon me kaq, pasi thuhet se spanjollët ishin nisur për në Amazon në kërkim të arit.
Dhe kur ishin kthyer, një burrë kishte folur për përvojën e frikshme, ku kishte parë ujë të helmuar, gjarpërinj që po hanin njerëz dhe një lumë që po vlonte në vete.
Zakonisht lumenj të tillë ekzistojnë në zona vullkanike, por ky lumë është 25 metra i gjerë dhe rreth 6 metra i thellë në disa pika. /Telegrafi/