Kandidati për president të Francës gjatë një tubimi kapet dhunshëm për qafe nga një burrë, intervenon sigurimi
06/12/2021
Kandidati për president të Francës, Éric Zemmour, është sulmuar në një tubim parazgjedhor në Francë, shkruan BBC.
Derisa 63-vjeçari po lëvizte përmes turmës duke ecur drejt skenës, një burrë shkurtimisht e kapi për qafe para se të intervenonin pjesëtarët e sigurimit, transmeton Telegrafi.
Mediat lokale raportojnë që Zemmous ka pësuar lëndime të lehta në kyçin e dorës, dhe se mjeku i ka rekomanduar pushim mjekësor prej nëntë ditëve.
Ish-gazetari është i njohur për qëndrimet kontroverse për migrantët dhe Luftën e Dytë Botërore. /Telegrafi/