Dyshja e Milanit, Zlatan Ibrahimovic dhe Leo Duarte, janë akoma pozitivë për COVID-19, pas testeve të reja – njofton Sky Sport Italia.
Testimet e fundit të bëra te lojtarët që nuk kanë udhëtuar me përfaqësueset e tyre kanë dalë negative, por ato të Ibras dhe Duartes ishin pozitive.
Milani luan me Interi në Derby della Madonnina më 17 tetor dhe rrezikon të jetë pa sulmuesin frymëzues, i cili nuk ka luajtur që nga faza e tretë kualifikuese e Ligës së Evropës kundër Bodo/Glimt.
Rossonerët nuk janë të vetmit në Serie A që kanë probleme me infektimet me coronavirus para xhiros së radhës.
Genoa është skuadra më e goditur, e cila duhet të udhëtojë te Hellas Verona me ekipin e të rinjve nëse ndeshja zhvillohet më 18 tetor (sipas orarit të caktuar).
Edhe te Interi ka të infektuar. Alessandro Bastoni, Milan Skriniar, Radja Nainggolan e Roberto Gagliardini, kanë rezultuar pozitivë me coronavirus. /Telegrafi/