Kohëve të fundit në rrjete sociale kanë qarkulluar lajmet rreth shtatzënisë së modeles Gigi Hadid me Zayn Malik.
Ajo ka zbuluar se po pret fëmijën e parë me të, vetëm disa muaj pas ribashkimit të tyre, shkruan Daily Mail.
Derisa uroi nënën e saj, Yolanda Hadid, me rastin e Ditës së Nënave, modelja ka shprehur dëshirën që t'i ngjajë asaj dhe të bëhet një nënë e denjë për fëmijën e saj.
25-vjeçarja gjithashtu u shpreh mirënjohëse ndaj mamasë së saj 'superheroinë', ndërsa ndau një mori fotografish nga e kaluara, njëra prej të cilave paraqiti Yolandan shtatzënë.
"Më e mira që mund të kërkoja ndonjëherë. Gëzuar Ditën e Nënës me atë që do të bëj çmos për ta imituar. Unë të dua përtej fjalëve, ti je një superheroinë".
Gigi konfirmoi lajmin për fëmijën gjatë një interviste me Jimmy Fallon, teksa falënderoi prezantuesin për urimin. /Telegrafi/