Gati 500 njerëz janë infektuar me coronavirus në një universitet britanik

Në Universitetin Sheffield të Britanisë së Madhe, 479 njerëz janë infektuar me coronavirus deri më 28 shtator.

Sipas të dhënave nga faqja zyrtare e universitetit, 474 studentë dhe pesë punonjës janë infektuar, shkruan BBC.

Një zëdhënës i universitetit tha se të gjithë të infektuarit kishin respektuar masat e marra nga qeveria britanike.

"Ne e kuptojmë se sa e vështirë është për studentët e rinj që duhet të shkojnë në vetë-izolim për shkak të rasteve të reja të infeksionit. Për t'iu siguruar atyre mbështetjen më të mirë të mundshme, ne do të kontaktojmë të gjithë studentët që janë në vetë-izolim dhe do të kontrollojmë gjendjen e tyre", tha zëdhënësi.

Në universitet, shkalla e infeksionit ishte 233 në 100 mijë banorë në javën e fundit. Universiteti ka rreth tetë mijë të punësuar dhe 29 mijë studentë gjejnë strehim çdo vit akademik. /Telegrafi/