Të famshmit shqiptarë janë përkujdesur që këto ditë t’i kalojnë sa më shumë në plazhet e tyre të bukura, në mënyrë që të shmangen sado pak nga qëndrimi në shtëpi.
Një gjë të tillë së fundmi e ka bërë edhe këngëtarja Enca Haxhia, e cila përmes rrjeteve sociale tregoi se ka kaluar një ditë të bukur në plazhin e Dhërmisë.
Bukuroshja, e cila në Instagram numëron 2.2 milionë ndjekës, ka publikuar një fotografi artistike në momentin e perëndimit të diellit.
E veshur me një palë triko portokalli dhe me atlete të bardha, artistja 24-vjeçare duket në formë të mirë.
“Lumturia më e madhe ndodhet në gjërat më të thjeshta”, ka qenë përshkrimi krahas imazhit, i cili mblodhi mbi 70 mijë pëlqime dhe komente të shumta nga fansat.
Sa i përket projekteve muzikore, ajo në këtë kohë karantine solli dy këngë të reja të titulluara “Young n Pretty” dhe “Përhaps”. /Telegrafi/