Edhe katër vrima gjigante në Rusi, frikë për fatkeqësi natyrore (Video)

Shkencëtarët kanë pikasur vrima të reja gjigante, së bashku me dhjetëra të tjera më të vogla, në të njëjtën zonë ku tre kratere të tjera të mëdha u vunë re në Gadishullin Yamal vitin e kaluar.

Gropat e mëdha mendohet të jenë shkaktuar nga ndonjë shpërthim i gazit metan nga një shtresë e trashë nënujore e tokës që mbetet e ngrirë gjatë gjithë vitit, pasi rritja e temperaturave po shkakton shkrirjen e tokës së ngrirë.

Kjo ka ngjallur frikën se krateret mund të bëhen më të zakonshme teksa ndryshimi i klimës vazhdon të ngrohë atmosferën. Ndërsa po ngre alarmin se zona po përballet me kanosjen e një fatkeqësie natyrore.

Një nga krateret e reja, e rrethuar nga të paktën 20 vrima më te vogla, është vetëm gjashtë milje nga një fabrikë e madhe e prodhimit të gazit.

Ekspertët kanë parashikuar se mund të jenë afro edhe 30 kratere të tjerë në pritje për t’u zbuluar. /Telegrafi/