Golden State Warriors humbi ndeshjen e tretë të finales së NBA-s kundër Toronto Raptors me rezultat 123:109, që do të thotë se Raptors kryesojnë 2:1 dhe janë dy fitore larg titullit të parë të kampionit.
Por, kështu nuk mendon të paktën Draymond Green, i cili ka pohuar se nuk do të dorëzohen deri në ndeshjen e fundit.
"Ne do të vazhdojmë të luftojmë, të fitojmë në ndeshjen tjetër në Toronto. Pastaj të kthehemi në Oakland, të fitojmë ndeshjen e gjashtë dhe të festojmë titullin me tifozët tanë", beson Green.
Realisht, ekzistojnë mundësitë për tri fitore të njëpasnjëshme për Warriors nëse kthehen edhe Kevin Durant dhe Klay Thompson.
Durant nuk luajti në tetë ndeshjet e fundit për shkak të dëmtimit të këmbës gjersa Thompson humbi ndeshjen e parë në "playoffs" gjatë pesë viteve të fundit të Warriors.
Ndryshe, gjithë barra i ka rënë Stephen Curryt, i cili realizoi në takimin e fundit 47 pikë, por që nuk ishin të mjaftueshme. /Telegrafi/