'Diskriminohen romët e Çairit, nuk kanë ku i hedhin mbeturinat' (Foto)
Nuk janë të pakta rastet kur qytetarët hedhin mbeturina në hapësirat publike, rrugët dhe sheshet tona, por nuk hasen rastet kur ata edhe gjobiten për këtë vepër. Disa e bëjnë nga papërgjegjshmëria, e disa nuk kanë se ku i hedhin, të paktën kështu ndodh në Komunën e Çairit nga banorët rom, transmeton Telegrafi Maqedoni.
Shqetësimet nga ana e qytetarëve në Komunën e Çairit nuk kanë të ndalur, kësaj rradhe bëhet fjalë për romët e po kësaj Komune. Ata nuk kanë ku i hedhin mbeturinat. Diskriminimi edhe në këtë aspekt i 'shoqëron' romët, kështu shkruan qytetarja Valbona Reka në profilin e saj në Facebook.
Reka thotë se romët nuk kanë se ku i hedhin mbeturinat dhe si rezultat i mungesës së kontejnerëve, mbeturinat hidhen në tokë. Fotografitë në vijim tregojnë qartë gjendjen e një lagjeje e mbushur me mbeturina. /Telegrafi/