Britania e vendos në listën e organizatave terroriste Hamasin
Sekretarja e Punëve të Brendshme të Britanisë së Madhe, Priti Patel njoftoi se qeveria britanike e ka futur grupin militant palestinez Hamas në listën e "organizatave terroriste".
Kjo ka bërë që Britania të afrojë qëndrimet me Shtetet e Bashkuara dhe Bashkimit Evropian, të cilat tash e sa kohë e kanë dënuar këtë formacion ushtarak.
"Hamasi ka aftësi të rëndësishme terroriste, duke përfshirë qasje në armatim të gjerë dhe të sofistikuar, si dhe në objektet e trajnimit të terroristëve. Kjo është arsyeja pse sot kam vepruar për ta ndaluar në tërësi Hamasin", shkruan në deklaratë, Patel.
Ndalimi i grupit në tërësi do të jetë në vijë me “Aktin e Terrorizmit” të vitit 2000, duke e sjellë ligjin e Mbretërisë së Bashkuar në përputhje me aleatët si SHBA dhe BE. Krahu militant i Hamasit, Brigadat al-Qassam që sundon Rripin e Gazës, është i ndaluar sipas ligjit të Mbretërisë së Bashkuar që nga muaji mars i vitit 2001.
Patel tha të premten se nuk është e mundur të bëhet dallimi midis krahëve ushtarakë dhe politikë të Hamasit.
Ndryshe, mbështetësit e grupit mund të përballen me 14 vjet burg nëse shpallen fajtorë në Britani. Shkeljet do të përfshijnë valimin e flamurit të Hamasit, organizimin e takimeve të grupit ose veshja si mbështetësit e Hamasit. /Telegrafi/