Wilfried Zaha është bërë njëri nga sulmuesit më të kërkuar në Angli.
Sulmuesi nga Bregu i Fildishtë ka pasur formë shumë të mirë në vitet e fundit me skuadrën angleze Cyrstal Palace.
Kjo ka bërë që pas tij të vihen skuadrat e mëdha si Chelsea, Arsenal e Tottenham Hotspur.
Por së fundmi në garë për transferimin e sulmuesit është futur edhe gjiganti gjerman Bayern Munich.
Kampionët e Gjermanisë janë duke kërkuar një sulmues anësor dhe Zaha duket ideali, pasi nuk duan të rrezikojnë me transferimin e Sanes i cili nuk rikthehet nga lëndimi deri në muajin mars.
Transferimi i afrikanit nuk do të jetë fare i lehtë, pasi Crystal Palace e vlerëson yllin e tyre 80 milionë funte.
Kujtojmë që 27-vjeçari këtë edicion në Ligën Premier ka shënuar tre gola dhe ka bërë tre asistime. /Telegrafi/