Atletico Madridi dhe Arsenali kanë barazuar me rezultat 1-1 në lojën e rregullt, ndërsa pas ekzekutimit fitore shënoi skuadra spanjolle me rezultat 3-1.
Los Colchoneros kanë fituar ndaj Arsenalit në ndeshjen e vlefshme për International Champions Cup, e cila u vendos pas ekzekutimit të penalltive.
Pjesa e parë e takimit ishte e barabartë, por ishin vetëm spanjollët të cilët arritën të gjejnë rrugën e golit.
Ishte sulmuesi Luciano Vietto, i cili shënoi në minutën e 41-të për 1-0 pas asistimit të Angel Correas.
Në pjesën e dytë, skuadra e Unai Emeryt u rikthye shpejt në lojë duke gjetur golin e barazimit pas vetëm dy minutave.
Ishte Emile Smith-Rowe i cili barazoi rezultatin 1-1 me një gol të bukur, ndërsa pas këtij goli edhe përkundër shumë rasteve skuadrat nuk arritën ta gjejnë golin e fitores.
Kështu, pas 90 minutave lojë ndeshja përfundoi me barazim 1-1, ndërsa fituesi u zgjedh vetëm pas ekzekutimit të penalltive.
Në penallti, më të saktë ishin Atletico, të cilët fituan me rezultat 3-1. /Telegrafi/
https://twitter.com/Unai_El_Jefe/status/1022456260728434688