Arsenali ka përmbysur skuadrën franceze, duke e mposhtur me rezultat 3-0 për të kaluar në çerekfinale të Ligës së Evropës.
Arsenali e nisi mirë ndeshjen dhe vetëm pas pesë minutave lojë arriti të shënonte golin e parë.
Ishte sulmuesi gabonez, Pierre Emerick Aubameyang që shënoi nga afërsia pas asistimit nga Ramsey për 1-0.
Në minutën e 15-të, Arsenali e dyfishoi rezultatin, kur kësaj radhe Aubameyang asistoi për Maitland – Niles që realizoi me kokë për 2-0.
Me epërsinë prej dy golave të vendasve përfunduan 45 minutat e para të kësaj sfide.
Arsenali nuk u ndal as në pjesën e dytë duke sulmuar vazhdimisht portën e mysafirëve.
Mbrojtësi i majtë boshnjak, Sead Kolsinac harkoi bukur në zonë ndërsa më së miri u gjend Aubameyang që shënoi golin e dytë personal dhe të tretin për Arsenalin (3-0).
Topçinjtë kanë mundur ta ngritin edhe më shumë epërsinë, por sulmuesi gabonez Aubameyang humbi dy raste të mira shënimi nga afërsia për të mbetur rezultati 3-0.
Deri në fund të ndeshjes, Rennes tentoi të shënonte golin që do t’i dërgonte në vazhdime por një gjë të tillë nuk ia arritën.
Kësisoj Topçinjtë sigurojnë çerekfinalen në Ligën e Evropës pas dy ndeshjeve me rezultat të përgjithshëm 4-3. /Telegrafi/