Rasti i çuditshëm është publikuar në revistën mjekësore “Medical Case Reports” dhe ka ndodhur në Florida.
Burri i paidentifikuar, 63 vjeç, po hante mëngjes me gruan në një restorant, kur filloi të kollitej dhe teshtinte në të njëjtën kohë. Ai ndjeu një dhimbje të fortë në bark dhe vendosi të ngrinte këmishën. Është një nënvlerësim të thuhet se ai ishte i tronditur.
Ju paralajmërojmë se vazhdimi i rrëfimit mund të jetë shqetësues për disa lexues, raporton dailymail.
Gjegjësisht, burri ngriti këmishën dhe pa një vrimë në stomak nga e cila dilnin “një sasi e madhe e zorrëve”. Gruaja e frikësuar thirri një ambulancë dhe burri fatkeq u transportua në spitalin më të afërt.
Ai ka rezultuar se pak më herët i është nënshtruar një operacioni abdominal, por ka marrë edhe konfirmimin e mjekut se plaga është “shëruar mirë”.
Ai shkoi në mëngjes me gruan për të festuar ndërhyrjen e suksesshme dhe për pak sa nuk vdiq. Një plagë shtatë centimetra u hap në bark.
Ky ndërlikim i rrallë, por serioz ndodh kur organet e brendshme “shfaqen” sepse plaga nuk është shëruar siç duhet. Ndodh në tre nga 100 pacientë që kanë kryer operacione të legenit ose barkut, tregojnë studimet.
Mund të jetë fatale në katër nga 10 pacientë nëse ka humbje të tepërt gjaku, shumë dhimbje ose lëndim të organeve të ekspozuara.
Kjo histori pati një fund të lumtur, sepse gjashtë ditë pas operacionit të ri, burri u dërgua në mjekim në shtëpi – dhe ai nuk kishte probleme të tjera.
Ekspertët përmendin kollën si një faktor rreziku të spikatur, në këtë rast, por edhe në të tjera që janë evidentuar. /Telegrafi/