Ky është momenti shokues kur gruas amerikane i digjen flokët derisa po shuante qirinjtë në tortën e saj të ditëlindjes.
Sipas medieve të huaja, përcjell Telegrafi, Ana Oosterhouse njëherësh nënë e gjashtë fëmijëve kishte organizuar një festë të përbashkët me djalin e saj shtatëvjeçar Hunter në Ogden, Utah kur ndodhi incidenti.
Derisa u përkul për të shuar qirinjtë në tortën e ditëlindjes, një fije floku mori flakë, pastaj zjarri u përhap me shpejtësi në anën e djathtë të kokës së saj.
Të pranishmit bërtisnin derisa nxitonin për të shuar flakët. Ana nuk pësoi dëmtime të përhershme, por asaj iu dogjën flokët, qerpikët dhe vetullat; gjithashtu kishte djegie në fytyrë. /Telegrafi/
