Heather Chasen, e cila luajti Lydia Simmonds në “EastEnders” si dhe në “Crossroads”, ka vdekur në moshën 92-vjeçare.
Mikesha e saj e ngushtë, Amanda Barrie, ka konfirmuar lajmin e hidhur përmes një postimi të publikuar në Twitter.
“Duke e kujtuar aktoren e mahnitshme Heather Chasen e cila ndërroi jetë dje”, ka shkruar ajo.
“Ajo ishte aktore e mrekullueshme dhe shumë e veçantë. Nuk do jetë asnjëherë askush si ajo. Do më mungojë gjithmonë”, vazhdon mes tjerash Barrie.
Paraqitja e saj e fundit në televizion erdhi në një episod të mini-serialit “Dancing on the Edge” në 2013 me Matthew Goode dhe Chiwetel Ejiofor.
Puna e saj si aktore përfshiu një numër të madh të filmave të mëdhenj të Hollywood-it, duke përfshirë “The Social Network” në 2010 dhe “Les Miserables” në 2012.
Ajo u martua me John Webster në 1949, dhe ata kanë një djalë së bashku të quajtur, Rupert. /Telegrafi/