Site icon Telegrafi

Zyrtare: Real Madridi blindon Vinicius Jr me kontratë të re dhe klauzolë marramendëse

Shkumbin Pireva

Real Madridi ka arritur marrëveshje me sulmuesin brazilian, Vinicius Junior, për rinovimin e kontratës edhe për katër vitet e ardhshme.

Sulmuesi brazilian ka kaluar gjashtë vite në Santiago Bernabeu, por do të vazhdojë edhe për disa vite të mbetet pjesë e Los Blancos.

Është vet faqja zyrtare e Real Madridit, e cila ka njoftuar rinovimin e kontratës me Vinicius Jr edhe për tri vite tjera.

“Real Madrid CF dhe Vini Jr. kanë rënë dakord për të zgjatur kontratën e lojtarit, i cili mbetet i lidhur me klubin deri më 30 qershor 2027”, thuhet në njoftim.

Përveç kësaj, eksperti i transferimeve, Fabrizio Romano raporton se Real Madridi i ka vendosur brazilianit një klauzolë prej 1 miliard eurosh.

Ndryshe, Vinicius Jr mbërriti në Real Madrid në korrik 2018, si 18-vjeçar dhe bëri debutimin e tij me Real Madrid Castilla më 26 gusht.

Në gjashtë sezonet e tij duke mbrojtur fanellën e ekipit të parë, ai ka luajtur 235 ndeshje, në të cilat ka shënuar 63 gola dhe ka fituar 9 tituj.

Një trofe i Ligës së Kampionëve, 2 Kupa të Botës për Klube, 1 Superkupë Evropiane, 2 La Liga, 1 Copa del Rey dhe 2 Superkupa të Spanjës janë trofetë e brazilianit. /Telegrafi/

 

 

Exit mobile version