Një zjarr masiv ka shpërthyer të shtunën mbrëma në një qendër tregtare në Varshavë të Polonisë, duke shkatërruar plotësisht objektin kanë njoftuar autoritete e atjeshme.
Për fat të mirë nuk është lënduar askush nga zjarri, kurse qendra Marywilska 44 me afro 1,400 njësi komerciale përfshirë shumë kioska – ishte në mesin e qendrave më të mëdha tregtare në Varshavë, transmeton Telegrafi.
“Pothuajse qind për qind është djegur. Zjarri është përhapur dhe do të nevojiten orë për tu lokalizuar”, tha Mariusz Feltynowski, komandant i departamentit të zjarrfikësve në Varshavë.
Ai shtoi se afro 200 zjarrfikës janë angazhuar në fikjen e zjarrit.
Në anën tjetër akoma nuk dihet shkaku që çoi në shpërthimin e këtij zjarri të madh. /Telegrafi/
🇵🇱 A massive fire is raging in one of the shopping centers in Warsaw.
An extensive complex with 1400 shops and service points is on fire.
The roof structures have collapsed. People have been evacuated. pic.twitter.com/cvH5W5I10h
— DD Geopolitics (@DD_Geopolitics) May 12, 2024