Zinedine Zidane pret që Barcelona të kalojë problemet e tyre për të vazhduar luftën për titull në La Liga Santander.
Barcelona po kalon në një krizë për momentin, pasi ka pasur përplasje deklaratash mes drejtorit sportiv, Eric Abidal dhe kapitenit Lionel Messi.
Por, Zidane po përqendrohet vetëm në punën e lojtarëve të tij dhe mendon se Barcelona do t’i rivalizoj deri në fund të sezonit për titull.
“Barcelona do të bëjë shumë mirë nga tani deri në fund të sezonit”, ka thënë fillimisht trajneri i Real Madridit.
“Por, unë nuk do të komentoj për një ekip tjetër. Ekipet e mira janë gjithmonë të mira dhe ata do të bëjnë mirë”.
“Ne duhet të vazhdojmë të shkojmë kështu, sepse nuk kemi fituar asgjë”.
“Ju mund të jeni të lumtur kur keni fituar diçka, por ne ende nuk kemi fituar asgjë”, përfundoi Zidane. /Telegrafi/