Tregjet financiare ruse kanë pasur një javë të paqëndrueshme për shkak të frikës së investitorëve për valën e dytë të COVID-19 dhe zgjedhjeve presidenciale amerikane.
Sipas medieve ruse, përcjell Telegrafi, rubla ra me 0.5 për qind ndaj dollarit amerikan.
Monedha vetëm brenda javës së fundit ka humbur vlerën në 5 për qind.
Po ashtu, çmimet e naftës – një faktor kryesor në ekonominë e Rusisë – që nga java e kaluar kanë rënë me 10 për qind.
Tregu i aksioneve në Rusi gjithashtu pësoi rënie me 0.7 për qind, duke u zhytur në pikën më të ulët brenda gjashtë muajve.
Sipas analistëve rusë, rubla për javë të tëra ka filluar të futet në pikiatë, që kur filloi të zhvlerësohet pas lajmit se kritiku i Kremlinit, Aleksei Navalny ishte helmuar me agjentin nervor Novichok. /Telegrafi/